30 íbúðir á Argjum

Serstøk byggisamtykt skal gerast fyri Lambatrøðna á Argjum, tí har skulu byggjast 30 íbúðir.

Talan er um 20 íbúðir, sum eru 72 fermetrar, og 10, sum eru 90 fermetrar.

Fimm bygningar í tveimum hæddum verða bygdir.

Drúgv viðgerð

Longu í juni í 2019 samtykt Byggi- og býarskipanarnevndin hjá Tórshavnar býráð at taka undir við byggiætlanini og gera serstaka byggisamtykt fyri økið.

Men viðgerðin í býráðnum gjørdist drúgv, tí øll í býráðnum tóku ikki undir við ætlanini.

Men hóskvøldið varð málið samtykt á býráðsfundi. Tað fekk 8 atkvøður, fýra býráðslimir atkvøddu blankt og ein metti seg at vera ógegnigan.