Verður skipað í embætið sunnudagin

Verður skipað í embætið sunnudagin
Korona gjørdi, at tað hevur drigið út at innseta Anne Mette G. Klemensen í embætið sum sóknarprest í Suðurstreymoyar eystara prestagjaldi
Anne Mette G. Klemensen verður nýggjur sóknarprestur í Suðurstreyomyar eystara prestagjaldi
 
02.06.2020 - 10:27

Sunnudagin 7. juni skipar dómprósturin Anne Mette G. Klemensen, sóknarprest, í embætið í Suðurstreymoyar eystara prestagjaldi, skrivar heimasíðan hjá fóllkakirkjuni.

Kirkjuráðini i prestagjaldinum – Havnar kirkja og Nólsoyar kirkja – innstillaðu Anne Mette G. Klemensen til embætið. Hon tók við embætinum 1. apríl.

Ætlanin var, at Anne Mette G. Klemensen skuldi skipast í embætið 19. apríl, men ymsar broytingar at savnast í kirkjunum, í sambandi við koronu-sóttina høvdu við sær, at innsetingin varð útsett.

Anne Mette Greve Klemensen hevur veriå prestur í Fuglafirði síðani í januar 2011.

Nú verður hon skipað í embætið sum sóknarprestur í Havnar kirkju og í Nólsoyar kirkju.

Gerhard til Fuglafjarðar

Gerhard Jónsson Mikkelsen er settur í starvið sum  prestur í Fuglafjarðar prestagjaldi. Hann hevur verið sóknarprestur í Karlslunde Strandkirke í Danmark síðani á vári 2014.

Gerhard Jónsson Mikkelsen skal eftir ætlan byrja í starvinum í september, skrivar heimasíðan hjá fólkakirkjuni.

Tvær umsóknir vóru til starvið sum sóknarprestur í Fuglafjarðar prestagjaldi. 

Í Fuglafjarðar prestagjaldi eru tríggjar kirkjusóknir, Elduvík, Leirvík og Fuglafjørður.  Tvey bønhús eru eisini í prestagjaldinum, á Hellunum og í Funningsfirði.
 

Er kopiera
Nýggjastu sendingar í ÚV
Mikudag 12. februar
Morgunlestur mikudagur 12.februar 2025
186666
Týsdag 11. februar
LEITISSTEIN 11.02.2025 (Jazzygold)
187652
Týsdag 11. februar
Kvinnur í ítrótti (1:6)
187313
Nýggjastu sendingar í SV
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534
Fríggjadag 7. februar
Veðrið
187497