Dystir í Betri-deildini verða spældir sunnudagin

bannari
Dystir í Betri-deildini verða spældir sunnudagin
Enn er ógreitt, um áskoðarar sleppa at síggja dystirnar
 
11.03.2020 - 10:28

Dystirnir í Betri-deildini verða spældir sunnudagin sum ætlað, men enn er ikki greitt, um tað verður við áskoðarum ella uttan teir, sigur Róin Schrøter, formaður í kappingarnevndini hjá Fótbóltssambandinum.

Seinnapartin fara formenninir í feløgunum at viðgera spurningin, um dystirnir verða við ella uttan áskoðarar, sigur Róin Schrøter.

- Verða dystirnir spældir við áskoðarum, fer tilmælið hjá landslæknanum og Heilsumálaráðnum at verða fylgt, sigur Róin Schrøter.

500 fólk

Tilmælið er, at ikki fleiri enn 500 fólk savnast á sama staði.

Fyrsta umfarið í Betri-deildini skuldi vera síðsta vikuskifti, men so kom tilmælið hjá landslæknanum og Heilsumálaráðnum seint fríggjadagin, og tað hevði við sær, at FSF gjørdi av at avlýsa dystirnar.

Boðini frá Fótbóltssambandinum um ikki at spæla dystirnar í Betri-deildini høvdu við sær, at onkrir dystir kortini vórðu spældir sunnudagin, men sum vinardystir.
 

Er kopiera
Nýggjastu sendingar í ÚV
Sunnudag 6. apríl
Bolero - Amy Beach
190318
Sunnudag 6. apríl
Guðstænasta í Kvívíkar kirkju
190317
Sunnudag 6. apríl
Møti úr Betesda í Klaksvík.
190316
Nýggjastu sendingar í SV
Sunnudag 6. apríl
Møti úr KFUM & K í Klaksvík
190331
Sunnudag 6. apríl
Andakt
190330
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275