Trump fær múrin millum Meksiko og USA

Trump fær múrin millum Meksiko og USA
Donald Trump kann nú brúka pengar av játtanini til verjuendamál at byggja múrin millum Meksiko og USA
 
11.01.2020 - 12:20

Donald Trump, forseti kann nú fara undir at byggja múrin, sum hann ætlar at gera ímillum USA og Meksiko. Og hann kann brúka pengar av játtanini til verjuendamál.

Tað kann hann, eftir at ein kærudómstólur hevur ógildað avgerðina hjá einum dómstóli í El Paso í Texas, sum í desember gjørdi av, at forsetin ikki kann nýta pengar til verjuendamál til ætlanina.

- Hetta er ein sigur fyri rættarstatin, tí vit royna av øllum alvi at tryggja markini, og vit fara at byggja múrin, eru boðini úr Hvítu Húsunum.

Tá Donald Trump varð valdur til forseta, boðaði hann frá, at hann fór at byggja ein múr á markinum ímillum USA og Mexico, fyri at steðga teimum nógvu fólkunum sum royna at koma um markið, og ikki minst fyri at steðga nógvu rúsevnunum sum koma um markið.

Í februar í fjør lýsti forsetin eina tjóðskaparliga kreppu á markinum, og tí helt hann seg kunna játta neyðugu pengarnar til múrin, uttan at biðja kongressina um pengarnar.
Hann fekk 1,4 milliardir dollarar til økt eftirlit á markinum, men fekk ikki pengar til múrin, sum fer at kosta 32 milliardir kr.
Hægstirættur í USA hevur fyrr góðkent at forsetin kann nýta 2,5 milliardir dollarar til múrin, men nú kærudómstólurin hevur evgreitt málið, kann forsetin byggja múrin, skrivar Daily Mail.

Er kopiera
Nýggjastu sendingar í ÚV
Týsdag 11. februar
Kvinnur í ítrótti (1:6)
187313
Týsdag 11. februar
Morgunlestur týsdagur 11.februar 2025
186665
Nýggjastu sendingar í SV
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534
Fríggjadag 7. februar
Veðrið
187497
Fríggjadag 7. februar
Jazzygold og Løgmaður
187369