Fólkaflokkurin størsti flokkur í fyrstu forsøgn

Fólkaflokkurin fær níggju tinglimir, Javnaðarflokkurin átta og Sambandsflokkurin og Tjóðveldi seks tinglimir í part, vísir fyrsta forsøgnin. Forsøgnin byggir á tvey prosent av atkvøðunum og serligt fyrivarni skal takast fyri, at einki valstað í Suðurstreymoy er við í forsøgnini. 

Lítlu flokkarnir

Sambært forsøgnini fáa Miðflokkurin og Sjálvstýri tveir tinglimir hvør, meðan Framsókn ongan tinglim fær. Nýggju flokkarnir megna heldur ikki upp um tinggáttina.