Letur pengar til ítróttarkappingar

Mentanarnevndin hjá býráðnum í Havn letur í hesum døgum pengar til millumtjóða kappingar í Havn.

Havnar dartfelag hevur fingið 40.000 kr. til altjóða dartkapping í høllini á Hálsi í Havn í summar.

Mentanarnevndin hevur eisini samtykt at lata 25.000 kr. til kapping í nevaleiki, sum verður á Hálsi 25.mai.

Og nevndin hevur samtykt at lata 100.000 kr. til EM-kapping í flogbólti fyri A-landslið hjá monnum.

Hon verður í Havn 12. til 16.mai.

Kappingin er fyri smátjóðir.

Hetta er fyrstu ferð, at EM-kapping í flogbólti fyri A-landslið hjá monnum verður í Føroyum. 

Býráðið í Havn sigur, at stuðulin er liður í arbeiðinum hjá býráðnum at gera Havnina til ein bý við fleiri altjóða ráðstevnum, mentanartiltøkum og ítróttarkappingum.