Hoyvíkssáttmálin: bíðar eftir svari úr Íslandi

Hoyvíkssáttmálin: bíðar eftir svari úr Íslandi
Føroyingar hava skotið upp, at fiskivinnan verður tikin úr sáttmálanum
Við Hoyvíkssáttmálanum í gildi, ber ikki til at koyra íslendskar pengar úr føroyskum fiskiskipum.
 
28.12.2018 - 13:08

Uttanríkismálaráðið bíðar nú eftir svari úr Íslandi um Hoyvíkssáttmálan.

Føroyingar hava skotið upp, at fiskivinnan verður tikin úr sáttmálanum.

Annars siga Føroyar sáttmálan upp á nýggjárinum.

Men íslendska stjórnin krevur, at landsstýrið letur Samherja í Íslandi endurgjald, tí Samherji noyðist úr føroyska fiskiflotanum 1.januar 2025 sambært føroysku fiskivinnunýskipanini.

Men tað ber ikki til, sigur Poul Michelsen, landsstýrismaður. 

Endurgjaldskyldan ikki avgjørd

Landsstýrið veit ikki, um tað er endurgjaldsskyldugt yvirhøvur.

Og landsstýrið veit heldur ikki, hvussu stórt eitt møguligt endurgjald er.

Í øllum førum er Hoyvíkssáttmálin ein sáttmáli millum tvey lond, Føroyar og Ísland, ikki millum Føroyar og eitt partafelag í Íslandi, sigur Poul Michelsen.

Fæst ikki ein semja, noyðast Føroyar at siga upp, tí verður Hoyvíkssáttmálin í gildi óbroyttur, ber ikki til at krevja, at íslendingar fara úr føroyska fiskiskipaflotanum.

Tríggir dagar eru eftir til nýggjárs, og sáttmálin er ikki uppsagdur. Biðað verður eftir svari úr Íslandi, um fiskivinnan, bæði á sjógvi og á landi, kann takast úr sáttmálanum.
 

Er kopiera
Nýggjastu sendingar í ÚV
Sunnudag 12. januar
Bolero - Tónleikur til veturin
186189
Sunnudag 12. januar
Guðstænasta í Vestmanna kirkju
186188
Leygardag 11. januar
Jambalaja - 110125
186171
Leygardag 11. januar
2. Upp á tá - 100125
186170
Nýggjastu sendingar í SV
Sunnudag 12. januar
Guðstænasta úr Vestmanna kirkju
186190
Leygardag 11. januar
Nýggjárskonsertin 2025
186182
Fríggjadag 10. januar
Dagur og vika - teknmálstulkað
186125
Fríggjadag 10. januar
Veðrið
186150
Hósdag 9. januar
Andaktin
186081