Heimadysturin verður hvørki í Havn ella Klaksvík

Heimadysturin verður hvørki í Havn ella Klaksvík
Nú er rættiliga óvist, um fyrsti heimadysturin í EM-kappingini hjá føroyska A-landsliðnum hjá monnum í hondbólti verður í Føroyum yvirhøvur.
 
16.07.2018 - 09:16

Fyrsti EM-undankappingardysturin hjá føroysku A-landsliðsmonninum á heimavølli er móti Danmark. Hann verður síðst í oktober.

Evropeiska hondbóltssambandið, EHF, vil ikki geva undantaksloyvi til at spæla dystin á Hálsi í Havn ella í Badmintonhøllini í Klaksvík.

EHF vil vita meira um Marghøllina í Vági, millum annað, hvussu høllin kann hitast, um ferðing til Suðuroyar og gistingarmøguleikarnar í Suðuroynni.

Men hetta verður ein dýr loysn, sigur forkvinnan í Hondbóltssambandinum. Kanska góðtekur EFH marghøllina í Vági.

- Men, sigur Gunn Ellefsen, eg ivist, um alt annað verður góðtikið. Ógvuliga stór krøv eru til eitt nú ferðingina og gistingina. 

Og Hondbóltssambandið hevur heldur ikki fíggingina til at hava dystin í Vági. 

Tað fer at kosta ov nógv at keypa ein hondbóltsvøll og áskoðarapallar við plássi fyri í minsta lagi 2000 áskoðarum, sigur Gunn Ellefsen, forkvinna í HSF, við heimasíðuna hjá Hondbóltssambandinum.

Hondbóltssambandið fer nú at taka støðu til, hvat næsta stigið er.

Føroyar eru í bólki við Danmark, Montenegro og Ukraina í EM-undankappingini.

Er kopiera
Nýggjastu sendingar í ÚV
Hósdag 24. apríl
Vinur mín í Vínlandi
191047
Hósdag 24. apríl
Eitt korter við jazzi 24. apríl 2025
191041
Hósdag 24. apríl
Góðan morgun Føroyar
191037
Hósdag 24. apríl
Morgunlestur hósdagur 24.apríl 2025
190970
Mikudag 23. apríl
Mono - Minimalisma í tónleiki (1:5)
191003
Nýggjastu sendingar í SV
Týsdag 22. apríl
Veðrið
190965
Týsdag 22. apríl
3-2 (14. apríl 2025)
190949
Týsdag 22. apríl
3-2 (7. apríl 2025)
190948
Týsdag 22. apríl
3-2 (31. mars 2025)
190947
Týsdag 22. apríl
3-2 (24. mars 2025)
190946