Italia tekur ikki longur ímóti flóttafólkaskipum

Italia tekur ikki longur ímóti flóttafólkaskipum
Italski innanríkismálaráðharrin heldur fast um avgerð sína, og vil ikki lata skip við flóttafólki sleppa í italska havn.
Mynd: savnsmynd  
 
16.06.2018 - 16:39

Italski innanríkisráðharrin, Matteo Salvini, sigur í dag, at bjargingarskip í Miðalhavinum fara ikki longur at fáa loyvi at seta flóttafólk í land í Italia.

Tískil tykist nýggja italska stjórnin at standa við avgerðina um at nokta bjargingarskipum at leggja at í italskum havnum.

Tað varð gjørt í síðstu viku, tá skipið Aquarius fekk forboð fyri at leggja at. Skipið siglir fyri ein franskan bjargingarfelagsskap og hevði tikið 629 flóttafólk upp av gummibátum, sum komu úr Libya.

Aquarius fekk eisini forboð fyri at koma til Malta, men í Spania søgdu myndugleikarnir seg vilja taka ímóti skipinum, tá franski forsetin hvassliga hevði funnist at italsku avgerðini, og sagt hana vera ábyrgdarleysa.

Tvey bjargingarskip taka fólk upp

Orsøkin til at italski innanríkisráðharrin aftur nú ger greitt, hvørja støðu stjórnin hevur, er, at tvey niðurlendsk skip - Lifeline og Seefuchs - eru stødd í Libyskum sjógvi, har tey taka flóttafólk upp.

Fundur hevur verið í Paris millum italska forsætisráðharran og franska forsetan eftir samanbrest hansara við italska innanríkisráðharran.

Giuseppe Conte og Emmanuel Macron samdust um at virka fyri, at flóttafólkalegur verða bygdar uttan fyri ES í eini roynd at steðga fólki at fara ta vandafullu ferðina um Miðalhavið.

Italia og Frakland fara eisini at krevja, at broytingar verða gjørdar í galdandi skipanum fyri flóttafólk í Evropa, skrivar Ritzau.

Er kopiera
Nýggjastu sendingar í ÚV
Leygardag 19. apríl
Jambalaja - 190425
190869
Leygardag 19. apríl
Upp á tá - 180425
190863
Leygardag 19. apríl
Morgunlestur leygardagur 19.apríl 2025
190559
Nýggjastu sendingar í SV
Fríggjadag 18. apríl
Knútsfagnaður
190859
Fríggjadag 18. apríl
Eftir Vørðunum
190772
Fríggjadag 18. apríl
Guðstænasta úr Kvívíkar kirkju
190856
Hósdag 17. apríl
Útilív (5:6)
190791
Hósdag 17. apríl
Guðstænasta úr Miðvágs kirkju
190835