Vónbjørt er býarbókavørður í Havn fyribils

Vónbjørt Vang verður virkandi býarbókavørður á Býarbókasavnum í Havn, til starvið er lýst leyst og sett.

Starvið sum býarbókavørður varð leyst, tá Arnbjørn Ó. Dalsgarð segði seg úr starvinum.

Starvið sum býarbókavørður í Havn verður lýst leyst í næstum. 

Vónbjørt Vang tekur við mikudagin sum virkandi býarbókavørður og leiðari á Býarbókasavninum.

Vónbjørt Vang er útbúgvin bókavørður og cand.mag í bókmentafrøði og samtíðarmentan frá Lærda háskúlanum í Keypmannahavn.

Hon hevur starvast á Býarbókasavninum síðan á sumri 2013, fyrst sum bókavørður og síðan á sumri 2014 sum fyrsti bókavørður og varaleiðari á Býarbókasavninum og eitt tíðarskeið í 2016 eisini sum virkandi býarbókavørður.