Filmsheiður til "The Islands and the Whales"

Filmsheiður til "The Islands and the Whales"
Filmurin hjá Mike Day hevur vunnið Peabody films-heiðurslønina fyri dokumentarfilmar í New York.
Mike Day hevur vunnið Peabody filmsheiðurslønina
Mynd: savnsmynd  
 
26.05.2018 - 14:18

Í síðstu viku vann filmurin, "The Islands and the Whales", PEABODY films-heiðurslønina fyri dokumentarfilmar í USA.

Mike Day úr Edinburgh í Skotlandi gjørdi filmin, sum var liðugur í 2016. Peabody heiðurslønin varð handað Mike Day á hátíðarhaldi í New York. Filmurin vann á millum øðrum víðakenda náttúrufilminum "Planet two" hjá David Attenborough og BBC.

Siðaarvur og náttúrudálking

Filmurin, "The Islands and the Whales", er ein lýsing av lívi føroyinga og náttúruni kring teir, m.a. hvussu fiskur, grind og fuglur hevur verið fingin til matna, og hvussu aldargamli siðaarvur føroyinga hevur skapt eina serstaka mentan og samleika. Samstundis kann ídnaðarsamfelagið og dálking tess gera enda á hesi mentan.

Filmurin hevur verið vístur í Føroyum fyrr, men verður vístur aftur, nú hann hevur vunnið ársins Peabody heiðusløn sum besti dokumentarfilmur.

Sýningin verður Havnar Bio í morgin, sunnudagin kl. 16, har Mike Day verður hjástaddur.

 

Er kopiera
Nýggjastu sendingar í ÚV
Nýggjastu sendingar í SV
Sunnudag 23. februar
Guðstænasta úr Norðskála kirkju
188168
Sunnudag 23. februar
Steypafinalan: H71 - VÍF
188164
Sunnudag 23. februar
3-2
188163
Leygardag 22. februar
Steypafinalan hjá kvinnum: Neistin - Kyndil
188160
Leygardag 22. februar
Dagur og vika - teknmálstulkað
188151