Bjarni Hammer í farloyvi

Í kjalarvørinum av forsíðusøguni í Sosialinum fyrr í vikuni, har Bjarni Hammer var lagdur undir at útvega hassj til ungar gentur, hevur tingmaðurin nú biðið um farloyvi frá løgtinginum. 

Hann biður samstundis um, at næsta varafólkið á listanum tekur sæti á tingi fyri seg. 

Bjørg Dam stendur í løtuni næst á listanum. Hon fekk 115 atkvøður á løgtingsvalinum í 2015.

Bjarni Hammer sigur, at hann fer sjálvur at boða frá, tá farloyvið skal enda.

Aksel V. Johannesen, løgmaður heitti fyrrakvøldið á Bjarna Hammer um at fara í farloyvi, meðan løgreglan kannar málið.