Mynstringarbannið er tikið av

Bannið kom í gildi 20.desember, men menninir, sum eru við Arctic Voyager, mynstraðu 19.desember. Bannið hevði tí onga ávirkan.

Bannið er tikið av aftur, tí Fiskimannafelagið og reiðaríið gjørdu semju í gjárkvøldið. Ikki ber til at fáa at vita, hvør semjan er, og hvussu nógv, limirnir í Fiskimannafelagnum fáa at býta millum sín umframt hýruna.

Avtalan segði 5.500 kr. um dagin. Men reiðariið rindaði 2.500 kr., tí tað rindar okkurt annað reiðarí.

Ósemjan var um, hvussu avtalan millum Fiskimannafelagið og reiðaríið, P/f Jókin í Hvalba, skuldi tulkast. Nú eru partarnir vorðnir samdir um tað, og mynstringarbannið er tikið av aftur. 

Arctic Voyager hevur landið 500 tons av svartkjafti til Pelagos í gjárkvøldið. Skipið fer eftir tí, sum eftir er av kvotuni, eftir jól.