Verkfall ávirkar sjúklingar

Verkfall ávirkar sjúklingar
Sjúklingar á Landssjúkrahúsinum eru fluttir til aðrar deildir, til Klaksvíkar og til Suðuroyar. Verkfallið byrjar at tyngja, sigur sjúkrahússtjórin
 
09.11.2017 - 08:45

Í morgun eru umleið 20 sjúkrarøktarfrøðingar á B7 á Landssjúkrahúsinum eisini farnir í verkfall.

Felagið Føroyskir sjúkrarøktarfrøðingar avgjørdi fyrr í vikuni at herða verkfallið, í eini roynd at fáa lønardeildina í fíggjarmálaráðnum til samráðingarborðið.

Frammanundan eru 46 sjúkrarøktarfrøðingar í verkfalli.

Men tað stendur framvegis í botni í sáttmálatrætuni.

Terje Sigurðsson, semingsmaður, hevði samband við báðar partar í gjár, men hann sigur, at støðan er neyvt tann sama, sum tá semingsmaðurin varð boðsendur fyrstu ferð.

- Einki er broytt, og tí er einki grundarlag fyri at senda boð eftir pørtunum, segði Terje Sigurðsson við útvarpið í gjárkvøldið.

Enn er tað ráðiligt

Ronnie Midjord, stjóri á Landssjúkrahúsinum, var staddur á B7 í morgun, tá verkfallið varð hert. Hann heldur, at enn er tað ráðiligt, at sjúklingar verða fluttir millum deildirnar:

- Tað verður mett, frá leiðandi lækna her á medisinska depilinum at vera forsvarligt, sigur Ronnie Midjord um støðuna á Landssjúkrahúsinum.

- So leingi sum vit hava eina akutta tilbúgving, sum stendur klár, og vit fáa undantak til tað, sum vit hava fingið higartil, so fari eg ikki at siga, at tað ikki er forsvarligt. Men tað byrjar at belasta hetta húsið nógv eftir hondini. 

Soleiðis sigur sjúkrahússtjórin, sum vónar, at tað skjótt kemur glið á samráðingarnar millum sjúkrarøktarfrøðingarnar og Lønardeildina. 

Pedagogfelagið góðtekur eiheldur

Stígur er eisini komin í samráðingarnar millum Pedagogfelagið og lønardeildina, og Pedagogfelagið hevur boðsent sínum álitisfólkum til fundar klokkan níggju í morgun, har nevndin fer at kunna tey um gongdina í samráðingunum.

Pedagogfelagið góðtekur ikki, at karmurin í sáttmálanum millum lønardeildina og Starvsmannafelagið skal skalda fyri pedagogarnar, tí viðurskiftini eru ymisk, sigur felagið. 
 

Er kopiera
Nýggjastu sendingar í ÚV
Leygardag 19. oktober
Upp á tá - 181024
182298
Fríggjadag 18. oktober
Vikuskiftið 18. okt. 2024
182282
Fríggjadag 18. oktober
Morgunlestur fríggjadagur 18. oktober 2024
182272
Fríggjadag 18. oktober
Morgunlestur mikudagur 16. oktober 2024
182269
Nýggjastu sendingar í SV
Leygardag 19. oktober
NM í vektlyfting 1:2
182288
Fríggjadag 18. oktober
Kom á val 01
182263
Fríggjadag 18. oktober
Dagur og vika - teknmálstulkað
182249
Fríggjadag 18. oktober
Veðrið
182278
Hósdag 17. oktober
Sært tú fuglin? II (2:2)
182194