Landsrætturin viðger kommunulæknan í fimm dagar

Landsrætturin viðger kommunulæknan í fimm dagar
Eystari landsrættur fer í næstu viku undir revsimálið um kynsligan ágang. Fimm dagar eru settir av
Dómsvaldið skal nú aftur viðgera ákærurnar móti einum kommunulækna.
 
20.10.2017 - 10:03

Eystari landsrættur hevur sett av fimm dagar til at viðgera sakarmálið móti kommunulæknanum, sum fyrr í ár í Føroya rætti varð dømdur fyri at hava gjørt seg kynsliga inn á níggju kvinnur í sambandi við læknakanningar.

Landsrætturin skuldi viðgera málið, tá hann varð í Føroyum í august.

Orsøkin til útsetingina er, sambært ákæruvaldinum, at kommunulæknin hevur fingið sær nýggjan advokat, sum er danskur.

Nýggi verjin vildi hava málið kannað meira. Tí kundi Landsrætturin ikki viðgera tað í august.

Hálvt annað ár

Kommunulæknin fekk hálvt annað ára fongsulsrevsing í Føroya rætti. 

Harumframt misti hann læknaloyvið, og hann skal rinda øllum kvinnunum endurgjald.

Hann gjørdi alt fyri eitt av at skjóta dómin inn fyri Landsrættin við kravi um frídøming.

Ákæruvaldið krevur harðari revsing og størri endugjald. 

Eystari landsrættur fer undir at viðgera málið mikudagin í næstu viku.

Er kopiera
Nýggjastu sendingar í ÚV
Leygardag 11. januar
Jambalaja - 110125
186171
Leygardag 11. januar
2. Upp á tá - 100125
186170
Leygardag 11. januar
Vikan 11. januar 2025
186164
Leygardag 11. januar
Morgunlestur leygardagur 11. januar 2025
185733
Nýggjastu sendingar í SV
Fríggjadag 10. januar
Dagur og vika - teknmálstulkað
186125
Fríggjadag 10. januar
Veðrið
186150
Hósdag 9. januar
Andaktin
186081
Hósdag 9. januar
Andaktin
186079
Mikudag 8. januar
Dagur og vika - teknmálstulkað
186035