Sporðdrekin vann á Hamar

Tosað varð um ein hálvan finaludyst, undan dystinum millum Sporðdrekan og Hamar, tí bæði liðini høvdu vunnið ein dyst móti hvørjum øðrum og tapt hinar móti Ravni.

Í fyrsta fjórðingi vann Hamar seg fram um til støðuna 12-17.

Í øðrum fjórðingi var Sporðdrekin sterkari, og tað eydnaðist teimum at javna til 31-31.

Í triðja fjórðingi hevði Hamar takið á Sporðdrekanum og fór fram um  45–59.

Alt sá út til at vera avgjørt, men í fjórða og seinasta fjórðingi steðgaði mest sum alt upp hjá Hamari, og Sporðdrekin fekk heili 25 stig, meðan Hamar bert fekk fýra, so endaliga støðan bleiv 70–63 til Sporðdrekan.

Ravnur hevur longu tryggjað sær annað finaluplássið, men spenningurin er als ikki farin úr kappingini um hitt finaluplássið, tí tað verður mest sannlíkt ikki avgjørt fyrr enn í síðsta umfarið, tá Hamar og Sporðdrekin spæla aftur.

Toppskorarar í dag vóru Magnus Jakobsen (Sporðdrekin) við 25 stigum og David Arge Galan (Hamar) við 16 stig.

Næsti dystur verður leygardagin 8. apríl 2017, tá Hamar tekur móti Ravni.