Fólkatalið í Suðuroynni minkaði 1,4%

Fólkatalið í Suðuroynni minkaði við 66 fólkum frá fyrsta mars 2015 til fyrsta mars 2016. Tað vísa tøl hjá Hagstovuni.

Í Tvøroyrar kommunu minkaði talið við 29 fólkum, í Vági við 18 fólkum, í Hvalba við 11 fólkum, í Hovi eru tey 8 færri, í Fámjin eru tey 5 færri og í Sumba eru tey trý fólk færri.

Hinvegin er fólkavøkstur í Porkeris kommunu, har búgva nú átta fólk fleiri. Til samans búgva 4577 fólk í Suðuroynni.

Meðan fólkavøksturin fyri allar Føroyar var 1,3% síðstu mánaðirnar, var minkingin í Suðuroynni 1,4% í tíðarskeiðnum.