Løgtingið keypir Eik-bygning fyri 26 mió. kr.

Meðan løgtingið hevur bíðað eftir álitinum frá vinnunevndini um uppboðssølu og veiðigjøld og frá fíggjarnevndini um fíggjarlógina fyri 2016, hevur tað samtykt eina eykajattan um at keypa bygningin hjá Eik í miðbýnum fyri 26 milliónir kr.

Samstundis er ætlanin at selja Gamla apotek fyri sjey milliónir kr., so nettoútreiðslan verður 19 milliónir kr.

Formansskapurin, sum legði uppskotið um eykajáttanina fram, sigur, at arbeitt hevur verið við spurninginum, um farast skal undir at umvæla Gamla apotek, ella útvega annan bygning í staðin. 

Formansskapurin hevur gjørt av, at rættast er at selja Gamla apotek og at keypa annan bygning.  

Ætlanin er at selja Gamla apotek fyri sjey milliónir, og at keypa annan bygning, sum er bygningurin hjá Eik í miðbýnum, fyri 26 mió. kr.