Álit um fíggjarlóg kemur mánadagin

Álitið hjá Fíggjarnevndini kemur ikki fyrr enn mánadagin, sigur Ruth Vang, forkvinna í Fíggjarnevndini, við útvarpið í morgun.

Nevndin hevur fund í morgun. Men forkvinnan væntar, at neyðugt verður at arbeiða við fíggjarlógini um vikuskiftið eisini.

Skal fíggjarlógin avgreiðast fyri jól, verður neyðugt at víkja frá tíðarfreistunum. Fíggjarnevndin er heldur ikki liðug við skattalættan og tøkugjaldið.