Ómaksgjøldini lýst

Ómaksgjøldini lýst
Vegleiðingin hjá Brúkaraumboðnum um ómaksgjøldini er komin í gildi. Handilsfólk funnust harðliga at vegleiðingini, tá tey fingu hana til hoyringar
Handilsfólk funnust harðliga at vegleiðingini hjá Brúkaraumboðnum um ómaksgjøldini, tá tey fingu hana til hoyringar. Nú er vegleiðingin komin í gildi
 
17.11.2015 - 08:09

Vegleiðingin sigur, nær vinnurekandi kunnnu broyta ómaksgjøld ella leggja nýggj gjøld á, tá sáttmáli er gjørdur við brúkaran um eina vøru ella tænastu.

Sambært lógini um marknaðarføring kunnu vinnurekandi ikki av sínum eintingum áleggja ella hækka ómaksgjøld. Tað skal standa í avtaluni millum partarnar, millum seljara og keypara.

Brúkarin skal varskógvast í góðari tíð

Avtalan kann vera sáttmáli, sum samráðst hevur verið um við hvønn einstakan kunda, ella standardavtalutreytir ella vanligar handilstreytir hjá vinnurekandi.

Brúkarin skal varskógvast í góðari tíð, tá broytingar eru á veg. Brúkarar skulu eisini fáa at vita, hvørjar møguleikar tey hava at sleppa úr avtaluni, áðrenn broytingar í ómaksgjøldum verða settar í gildi.

Handilsfólk funnust harðliga at vegleiðingini hjá Brúkaraumboðnum um ómaksgjøld, tá tey fingu hana til hoyringar.

SÍ EISINI Halda ikki vegleiðing eigur at setast í gildi

Stirvið løgfrøðiligt mál í vegleiðingini ger ikki lógina um marknaðarføring skilligari hjá teimum, sum brúka lógina. Handilsvinnufelagið mælti Brúkaraumboðnum frá at seta vegleiðingina, sum hon var orðað, í gildi.

Vegleiðingin fer ikki at gera tað lættari hjá vinnuni at halda marknaðarføringarlógina. Hon er rætt og slætt ikki nóg brúkaravinarlig, var niðurstøðan hjá Handilsvinnufelagnum.

Er kopiera
Nýggjastu sendingar í ÚV
Leygardag 26. apríl
Jambalaja - 260425
191096
Leygardag 26. apríl
Her er flaggdagsrøðan hjá Ben Arabo
191094
Leygardag 26. apríl
Upp á tá - 250425
191091
Nýggjastu sendingar í SV
Fríggjadag 25. apríl
KAKUMiKS (4:7)
191050
Hósdag 24. apríl
Útilív 6:6
191066
Týsdag 22. apríl
Veðrið
190965
Týsdag 22. apríl
3-2 (14. apríl 2025)
190949