Grikkaland skal rinda í dag

Í gjár seldi Grikkaland lánsbrøv fyri 1,14 milliardir krónur. Tað skuldi givið landinum nóg mikið av pengum, so gjaldsavtalan kann haldast.

Longu seinast í mánaðinum kann kreppan merkjast av álvara, tí tá skal landið rinda bæði lønir og lán. Tá hevur Grikkaland aftur tørv á lánum, og tað kann gerast torført, siga búskaparfrøðingar.

Greinin heldur fram niðanfyri

Greece will make $485 million loan payment IMF on Thursday: government source http://t.co/bZhAchBjHk

— Reuters Business (@ReutersBiz) April 9, 2015

Fær landið ikki hildið sínar skyldur, er ikki óhugsandi at Grikkaland fer á húsagang um mánaðarskiftið, og so verður landið koyrt úr samstarvinum um evruna sum gjaldoyra.

Verandi lánsavtala millum Grikkaland og hini evru londini fer úr gildi í juni. Grikkaland roynir av øllum alvi at fáa avtalur við onnur lond.

Grikski forsætisráðharrin hevur verið á vitjan hjá Putin, forseta, í Moskva í gjár, og hóast ein handilsavtala kann fáast í lag, so hevur Russland ikki pengarnar, sum Grikkaland hevur tørv á.

SÍ EISINI Grikkar krevja milliardir frá týskarum

Tí verður Grikkaland helst noytt at gera avtalur við hini evru londini, og at seta tey tiltøkini í verk, sum undanfarna stjórnin samdist við lángevararnar um, siga búskaparfrøðingarnir.

Verður avtalan gjørd við hini evru londini, fær Grikkaland 7,2 milliardir krónur í láni afturat.