Malaysia: Flogfarið datt niður í Indiska Havið

<p>Najib Razak, forsætisráðharri í Malaysia, kunngjørdi fyri løtu síðan á tíðindafundi, at flogfarið hjá Malaysia Airlines, ið hvarv 8. mars, datt niður í Indiska Havið.</p>

<p>- Tað er við sorg, at eg má kunngera, at vit hava grundaðan illgruna um, at flogfarið datt niður í Indiska Havið, í útsynning úr Perth í Australia, segði forsætisráðharrin á tíðindafundinum.</p>

<p>Avvarðandi og familjur hjá teimum 239 fólkunum, ið vóru við vanlukkuflogfarinum hjá Malaysia Airlines, høvdu fingið boðini undan tíðindafundinum, <a href="http://www.bbc.com/news/world-asia-26716572" target="_blank">skrivar BBC News</a> á netinum.</p>

<p>MH370-flogfarið hvarv á einum túri frá Kuala Lumpur í Malaysia til Beijing í Kina. Í dag eru fimm dagar síðan leitingin í Indiska Havinum byrjaði.</p>