Ongar stovnsmetingar við til samráðingar

<p>Næstu stovnsmetingar hjá ICES um uppsjóvarfisk verða kunngjørdar fyrst í oktober eftir ársfundin hjá ICES. Men hóast strandarlondini hava fundir fyrst í september, hava tey eisini sínar árligu fundir um norðhavssild, svartkjaft og makrel í oktober, tá endaligu tilmælini hjá ICES eru komin. Á teimum fundunum royna strandarlondini at býta heildarkvotuna, sum ICES mælir til, millum sín.</p><p>Fundurin um norðhavssild verður 14. til 18.oktober.</p><p><strong>Fyrsti samráðingarfundur hjá Herlufi Sigvaldsson</strong></p><p>Fundurin í London fyrst í september verður tann fyrsta hjá nýggja føroyska samráðingarleiðaranum, Herlufi Sigvaldsson. Hann heldur ikki, at tað er burturvið at hava fundin um sildina, tá ES nakrar fáar dagar fyri fundin fer at boykotta Føroyar.</p><p><strong>Hava samskift við hini londini</strong></p><p>Føroyar hava samskift við hini fýra strandarlondini um norðhavssild, og ES eigur bara 6,51 prosent av sildakvotuni, sigur Herluf Sigvaldsson. Ísland hevur boðað til báðar fundirnar í september. Fundirnir verða um 2014, tí londini eru samd um, at 2013 er farið. Har ber ikki til at fara afturumaftur.</p>