Reyði Krossur: 104 hava fingið hjálp

Íalt 104 einstaklingar ella familjur hava fingið mat og klædnahjálp frá Reyða Krossi, fyri desembur mánað. 

Hesa seinastu vikuna hava minst 50 húski biðið um hjálp. 

Til samanberingar fær mat- og klædnahjálpin hjá Reyða Krossi, vanliga í miðal 40 umbønir um mat og klæðir uppá ein heilan mánað. 

Tey, ið biðja um hjálp eru alt frá smábarnafamiljum til pensjónistar, sigur Reyði Krossur á teirra heimasíðu.

Seinasta freist at biðja um mat og klæðir frá Reyða Krossi, var mikudagin 13.desembur.