- Tíðindi, mentan og ítróttur
Fíggjarlógin: Samgongan væntar 6,5 milliónir í avlopi næsta ár
Fíggjarlógin: Samgongan væntar 6,5 milliónir í avlopi næsta ár
Fíggjarnevndin hevur lagt fram álit um fíggjarlógaruppskotið, sum hevði 64 milliónir í halli
Fíggjarlógin kemur til aðru viðgerð í morgin. (Savnsmynd: Bjarni Árting Rubeksen)
12.12.2023 - 08:55
Í álitinum hjá samgonguumboðunum í fíggjarnevndini um fíggjarlógaruppskotið fyri 2024 er RLÚ1-úrslitið eitt avlop, sum er 6,5 mió. kr.
RLÚ1 er rakstrar-, løgu- og útlánsúrslit.
Í uppskotinum hjá landsstýrinum er RLÚ1-úrslitið 64 milliónir í halli.
Raksturin er vaksin 0,4 prosent í uppskotinum hjá meirilutanum í fíggjarnevndini.
Raksturin fer at kosta 4,9 prosent meira enn í ár.
Fimm mió. aftrat til íløgur
Sambært uppskotinum hjá meirilutanum eru 4,8 milliónir aftrat til íløgur.
Í broytingaruppskotinum hjá landsstýrinum vóru 19,7 mió. kr. minni til íløgur.
Álitið hjá fíggjarnevndini kom í gjár.
Onnur viðgerð verður á tingfundinum í morgin.
Les álitið frá fíggjarnevndini her.
Er kopiera
Nýggjastu sendingar í ÚV
Nýggjastu sendingar í SV
