Fegnast um at hjálparfólk fáa útbúgving sum námsfrøðingar

Nú fáa 30 hjálparfólk í føstum starvi á dagstovnaøkinum í Tórshavnar kommunu møguleika fyri at taka útbúgving sum námsfrøðingar.

Tað samtykti býráðið í gjárkvøldið.

Útbúgvingin verður tikin sum fjarlestur á VIA University College í Viborg, sum fer at standa fyri námsfrøðiútbúgvingini. 

Jógvan Philbrow

Jógvan Philbrow er formaður í Pedagogfelagnum. 

Formaðurin í Pedagogfelagnum, Jógvan Philbrow, er fegin at hoyra um tilboðið til hjálparfólk innan námsfrøði í høvuðsstaðarøkinum.

Hoyr innslag í útvarpstiðindunum: 

Skipanin verður soleiðis, at hjálparfólkini arbeiða á stovni í Tórshavnar kommunu og fáa løn sum vanligt, burtursæð frá teimum døgum, tey eru í skúla.

Í fyrstu atløgu vera tað upp til 30 pláss tøk at sleppa inn á hesa útbúgvingina.