- Tíðindi, mentan og ítróttur
Fyrsti ísraelski gíslin staðfestur deyður
Fyrsti ísraelski gíslin staðfestur deyður
Talan er um 19 ára gomlu Noa Merciano, sum var ísraelskt herfólk
Kríggið millum Ísrael og Hamas í Gasa-geiranum heldur fram. Í dag er fyrsti ísrealski gíslin staðfestur deyður.
Mynd: AFP/Ritzau Scanpix
14.11.2023 - 16:17
Fyrsti gíslin er deyður, sum bleiv tikin til fanga av Hamas 7. oktober.
Tað vátta bæði Ísrael og Hamas, sambært DR.
Talan er um 19 ára gomlu Noa Merciano, sum var ísraelskt herfólk.
Hon er tann fyrsti gíslin, sum er staðfestur deyður, av teimum okkurt um 240 gíslunum, sum vóru tiknir til fanga í Gasa.
Sambært Hamas doyði Noa Merciano í einum ísraelskum álopi, men Hamas hevur ikki víst á nøkur prógv fyri hesum uppáhaldi.
Hamas tók gíslarnar 7. oktober, tá ið Hamas leyp í Ísrael. Umleið 1200 ísraelar og útlendingar vóru dripnir.
Er kopiera
Nýggjastu sendingar í ÚV
Nýggjastu sendingar í SV
