Fakfeløg mótmæla samráðingarháttinum hjá Fíggjarmálaráðnum

Feløgini, sum hava havt fund seinnapartin, hava handað Ruth Vang, landsstýriskvinnu, eina yvirlýsing

Súni Selfoss, formaður í Starvsfelagnum, las innihaldið í yvirlýsingini upp, áðrenn hon var handað Ruth Vang, landsstýriskvinnu.

Mynd: Bjarni Árting Rubeksen

Johnsigurd Johannesen

31.10.2023 - 15:10

Umboð fyri tey 31 fakfeløgini, sum vóru á fundi í Smæruni seinnapartin, hava handað Ruth Vang, landsstýriskvinnu í fíggjarmálum, eina yvirlýsing, har funnist verður at mátanum, sum Fíggjarmálaráðið hevur sáttmálasamráðingar við fakfeløgini á almenna arbeiðsmarknaðinum.

Tey vísa m.a. á lønarkarmin, sum sambært fakfeløgunum læsir samráðingarnar fastar.

Sí yvirlýsingina her.

Eftir fundin í Smæruni fór fundarfólkið í Tinganes at hitta Ruth Vang og handa henni yvirlýsingina.

Mótmælisgonga í Tinganesi, fakfeløg í mótmælisgongu í Tinganesi

(Mynd: Bjarni Árting Rubeksen)

Tá ið hon hevði fingið yvirlýsingina, segði Ruth Vang, at hon helt, at glið var komið í samráðingarnar við Felagið Føroyskir Sjúkrarøktarfrøðingar í síðstu viku, men tá felagið leygardagin kom við kravboðum, var tað "sum at fáa nevan á kjaftin," sum Ruth Vang málbar seg.

Marjun Dalsgaard var í Tinganesi við mikrofonini:

31102023_Motmaeli_i_Tinganesi