Arbeiðsleys fáa fleiri pengar

Størsti arbeiðsloysisstuðulin frá ALS hækkar úr 18.500 krónum upp í 22.435 kr. 1. mai.

Hann skal vera 80 prosent av arbeiðaraløn.

Í løtuni er hetta 21.278 kr. um mánaðin. 

13 broytingar skulu gerast í ALS-lógini. Uppskotið kom í tingið í gjár.
 
Stýrið fyri ALS hevur gjørt eina heildarmeting um lógina og hevur mælt til at gera broytingarnar, sum eru í uppskotinum hjá Umhvørvismálaráðnum.

Endamálið er at gera lógina soleiðis, at hon hóskar betur til viðurskiftini á arbeiðsmarknaðinum, sum tey eru nú.

Av tí at fíggjarstøðuni hjá ALS er so góð, verður skotið upp at gera nøkur viðurskifti í lógini høgligari fyri tey arbeiðsleysu. 

Millum annað vera bíðidagarnir strikaðir og karantenurnar styttar. 

Reglurnar um at halda frí við arbeiðsloysisstuðli vera víðkaðar. 

Fólk, sum fáa lægstu ella miðal fyritíðarpensjón ella framskundaða pensjón, og fólk, sum eru í tillagaðum starvi, kunnu eftir umsókn sleppa undan at rinda ALS-gjald.