Búnaðarstovan selur ull frá Ullarmóttøkuni

Búnaðarstovan selur nú ullina, sum Ullarmóttøkan keypti í summar, og biður um tilboð. Ullin verður seld í ballum, sum hvør vigar 250 kg. Talan er um tveir flokkar. Í fyrra flokki eru 28 tons í seks náttúrulitum. Í seinna flokki er ullin ikki skild í litir. Har eru hálvt triðja tons.

Okkurt um trý tons, sum komu til Ullarmóttøkuna í summar, fóru burtur.

Freistin at bjóða upp á ullina er til 15.november. Tilboðini eru bindandi.

Í fjør seldi Búnaðarstovan alla ullina, sum tríggjar fyritøkur keyptu. Í 2021 var størsti parturin seldur til Onglands.