- Tíðindi, mentan og ítróttur
U17-kvinnulandsliðið spælt seg í hálvfinaluna í Championship-kappingini
U17-kvinnulandsliðið spælt seg í hálvfinaluna í Championship-kappingini
Føroysku U17-kvinnurnar í hondbólti hava spælt seg í hálvfinaluni í evropisku Championship-kappingini, sum verður spæld í Baku í Aserbadjan í hesum døgum
Marjun Jansdóttir lýpur inn og skorar fyri Føroyar í javnleikinum móti Luksemburg
Mynd: HSF á Facebook
09.08.2023 - 15:22
Triði dysturin hjá føroyskum U17-kvinnunum í hondbólti í evropeisku Championship-kappingini var í dag.
Dysturin var móti Luksemburg, og hann endaði við javnleiki 24-24.
Hálvleiksstøðan var 14-12 til Luksemburg.
Frammanundan hava Føroyar vunnið móti Grikkalandi og Ísrael í kappingini, sum verður spæld í Baku í Aserbadjan.
Við javnleikinum, so hava Føroyar tryggjað sær pláss í hálvfinaluni, tí Ísrael og Spania spældu eisini í dag.
Ísrael skuldi vinna tann dystin, um Føroyar ikki skulu koma í hálvfinaluna. Men tað gjørdi Ísrael ikki.
Spania, ið er ein av heimsins leiðandi hondbóltstjóðum, vann dystin móti Ísrael 37-15.
Eftir dystin var Rakul Borgarlíð Joensen kosin til besta leikara hjá Føroyum í dystinum. Rakul var eisini toppskjútti við 6 málum saman við Silju Eystberg.
Næsti dystur hjá Føroyum verður í morgin, hósdagin, kl. 8.15, føroyska tíð, móti sterkasta liðnum í bólkinum, Spania.
Dysturin kann stroymast á ehftv.com.
Lesið annars alt um kappingina, úrslit, støður o.a. her: W17 EHF Championships 2023 (eurohandball.com)
Er kopiera
Nýggjastu sendingar í ÚV
Nýggjastu sendingar í SV
