14 hjún av sama kyni vígd í Føroyum

Síðani nýggja hjúnabandslógin varð samtykt í 2017 eru fjúrtan hjún av sama kyni vígd í Føroyum.

Tað skrivar Hagstovan.

Átta hjúnabond millum kvinnur og seks hjúnabond millum menn.

Uppgerðin hjá Hagstovuni er grundað á, at í øllum førum annar makin búði í Føroyum, tá ið parið varð vígt.

Í dag er Faroe Pride 2023.

Skrúðgongan byrjar við Tórsvæl klokkan fýra, og farið verður síðan oman á Vaglið.