Ísrael hevur samtykt umstrítt lógaruppskot

Ísrael hevur samtykt umstrítt lógaruppskot
Hóast hundraðtúsundtals ísraelar hava mótmælt, so hevur ísraelska tjóðartingið Knesset samtykt lógaruppskotið, ið frátekur Hægstarætti møguleikan at yvirtrumfa samtyktir
Ísraelska tjóðartingið Knesset hevur samtykt eitt lógaruppskoti, ið frátekur Hægstarætti møguleikan at yvirtrumfa stjórnarsamtyktir, sum Hægstirættur heldur vera órímiligar
Mynd: Ritzau / Scanpix  
 
24.07.2023 - 15:03

Ísraelska tjóðartingið Knesset hevur samtykt eitt lógaruppskot, ið frátekur Hægstarætti møguleikan at yvirtrumfa stjórnarsamtyktir, sum Hægstirættur heldur vera órímiligar.

Tey atfinningarsomu siga nýskipanina vera eitt statskvetti, ið kemur at elva til enn meira mutur og tilvildarlig fólk í leiðandi størvum.

Hetta, tí endamálið við nýskipanini tykist vera at verja Netanyahu, ið sjálvur hevur fleiri rættarmál hangandi yvir sær.

 

Verður samtykt

Tað hevur ikki minst fingið øði í nógv fólk og elvt til ógvislig mótmæli.

Stjórnin hjá Netanyahu telur 64 av teimum 120 tjóðartingssessunum, so alt bendir á, at alt uppskotið verður samtykt.

Um vikuskiftið hava hundraðtúsundtals fólk mótmælt í bæði Jerusalem og Tel Aviv, og eygleiðarar meta politisku kreppuna í landinum vera ta ringastu nakrantíð.

Ikki minst, tí mótstøðan ímóti nýskipanini finst bæði á høgra- og vinstravonginum, í verðsligum og átrúnaðarligum bólkum, og bæði millum friðarakvivistar og herfólk.

Millum annað hava yvir 10.000 eyka-hermenn - umframt túsund eyka-flogskiparar hjá herinum - sagt seg ikki vilja gera tænastu, um uppskotið verður samtykt.

Ísrelska tjóðartingið hevur longu samtykt uppskotið um nýskipanirnar í tveimum av tilsamans trimum atkvøðugreiðslum. 

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Nýggjastu sendingar í SV
Leygardag 5. apríl
Sement 2025
190308
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243