Fyrsta stigið at gera kampus á Frælsinum

Smápartafelagið Müller skal leggja tak á lon 5 á Frælsinum í Havn.

Tilboðið hjá felagnum er ein millión og 944.000 krónur.

Tvey onnur tilboð vóru, annað danskt og hitt føroyskt.

Arbeiðið skal vera liðugt síðst í september í ár.

Fyribils parkeringspláss

Smápartafelagið Andrias Berg skal gera fyribils parkeringspláss á verandi vølli á Frælsinum.

Tilboðið er ein millión og 92.500 krónur. Eitt annað tilboð var.

Parkeringsplássið skal gerast, tí verandi parkeringsøki við Setrið á Frælsinum verður brúkt til byggiplássøki, og onnur arbeiði skulu gerast har.

Hesi bæði arbeiðini eru liður í stóru verkætlanini at gera kampus til Fróðskaparsetrið.