Heim, kæra heim: Nólsoyarstova - fyrr og nú

Heim, kæra heim: Nólsoyarstova - fyrr og nú
Nólsoyarstova - søguligi bygningurin í endanum av Gongini við Kongabrúnna - hevur fingið eitt andlitslyft og hýsir nú marglætisíbúðum.
 
19.01.2025 - 16:00

Um veggir dugdu at tala, so høvdu veggirnir í Nólsoyarstovu ivaleyst kunnað sagt frá eini spennandi framhaldssøgu í fleiri bindum.

Nolsoyarstovan_reyp


Bygningurin hevur hýst bæði hotelvirksemi, apoteki, blaðprentsmiðju og matstovum síðani 1700-talið, tá hann varð reistur.

Eitt skifti búleikaðist Jákup Nolsøe her. Hann er beiggi Nólsoyar Páll, sum harvið helst eisini hevur gist her. Mytan sigur, at kenda Fuglakvæðið er yrkt í Nólsoyarstovu.

 

Hendan myndin er helst frá 1920'unum, áðrenn ovaru hæddirnar blivu broyttar


Men tíðarinnar tonn hevur slitið Nólsoyarstovu illa - serliga seinastu 15 árini, tá bygningurin hevur staðið tómur og vátur.

Soleiðis sá Nólsoyarstova út fyri nøkrum árum síðani, áðrenn Jógvan Hans og Anna Maria Østerø keyptu bygningin í 2019.


Tað hevur verið eitt stórt arbeiði at umvæla Nólsoyarstovu. Men tey bæði, Jógvan Hans og Anna Maria Østerø, hava lagt seg eftir at varðveita gomlu gólvbrettini og veggirnar - ja, enntá veggjatapetini.

Nú er úrslitið liðugt - tríggjar marglætisíbúðir, sum helst verða leigaðar út.

Tú kanst síggja Nólsoyarstovu - bæði uttan og innan - í nýggju sendirøðini Heim, kæra Heim, sum verður send hóskvøldið eftir Dag og viku.

 

Er kopiera
Nýggjastu sendingar í ÚV
Hósdag 3. apríl
Eitt korter við jazzi 3. apríl 2025
190199
Hósdag 3. apríl
Brot úr Føroya søgu
190189
Hósdag 3. apríl
Góðan morgun Føroyar
190188
Hósdag 3. apríl
Morgunlestur hósdagur 3.apríl 2025
189978
Nýggjastu sendingar í SV
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125

Meira um sama evni