- Tíðindi, mentan og ítróttur
Funnu hassj umborð á grønlendskum rækjutrolara
Funnu hassj umborð á grønlendskum rækjutrolara
Eingin er skuldsettur í málinum enn, og trolarin er nú á veg til Grønlands
Henda myndin er av hassjinum, sum var funnið umborð á einum grønlendskum rækjutrolara í juni í fjør. (Savnsmynd: KNR)
17.07.2023 - 11:35
Løgreglan í danska býnum Frederikshavn hevur lagt hald á fýra kilo av hassji umborð á einum rækjutrolara hjá grønlendska reiðarínum Polar Seafood.
Trolarin lá við bryggju í Frederikshavn, og skuldi eftir ætlan fara til Grønlands.
Hassjið lá í eini ruskbingju, skrivar Nordjyske.
Ein hundur hjá tollvaldinum fann hassjið.
Eingin kendist við hassjið
14 av manningini vóru umborð, og teir eru skrásettir, men eingin kendist við hassjið, skrivar Nordjyske.
Eingin er skuldsettur í málinum enn.
Rækjutrolarin hevur nú sett kós móti Grønlandi.
Hetta er ikki fyrstu ferð, at hassj er funnið umborð á grønlendskum trolara í Danmark.
Í juni í fjør vóru funnin 23 kilo av hassji umborð á einum øðrum rækjutrolara, skrivar Nordjyske.
Er kopiera
Nýggjastu sendingar í ÚV
Nýggjastu sendingar í SV
