Vilja hava virði aftur úr Danmark

Millum annað vísir hon á ein 20 tons tungan torustein, sum er funnin í Norðurgrønlandi, men stendur í garðinum uttan fyri jarðfrøðisavnið í Kjøpinhavn.

Tað skrivar heimasíðan hjá grønlendska kringvarpinum, KNR.

– Grønlendingar missa ein týðandi part av grønlendsku søguni, sigur Aki-Matilda Høegh-Dam og vísir á, at grønlendingar mugu rinda atgongumerki í Danmark fyri at síggja tey virði, ið hoyra grønlendingum til.

Grønlendska fólkatingskvinnan vil hava at vita, hvussu stór virði, talan er um, sum almenna Danmark og tess stovnar hava lagt hald á.

Hon sigur talan vera um bæði søgulig, fornfrøðilig og jarðfrøðilig virði, umframt aðrar lutir og virði, sum hava sín uppruna í Grønlandi og hoyra til har.