Biðja um meiri pening, áðrenn uppskotið er liðugt viðgjørt

Longu áðrenn lógaruppskotið er liðugt viðgjørt í fíggjarnevndini, er nevndin biðin um 9,3 mió. kr. afturat.

Talan er um fyrsta byggistig, nú skúlabygningarnar á Frælsinum skulu umvælast og umbyggjast til Fróðskaparsetrið.

Í lógaruppskotinum, sum kom í løgtingið 7.mars, er biðið um í mesta lagi 24 mió. kr.

33,3 mió.

Men fyrst í mai bað Barna- og útbúgvingarmálaráðið um 9,3 milliónir aftrat, tí nú eru útreiðslurnar mettar at vera 33,3 mió. kr.

Barna- og útbúgvingarmálaráðið sigur, at Landsverk hevur saman við ráðgevanum gjørt neyvari kostnaðarmeting.

Og neyðugt verður at gera fyribils parkering á pørtum av fløtuni á Frælsinum. Hetta er ikki við í lógaruppskotinum.