Ferðafólk fara framvegis at koyra ókeypis við býbussunum

Ferðafólk fara framvegis at koyra ókeypis við býbussunum
Ferðafólk fara framvegis at koyra ókeypis við bussleiðini í Tórshavnar kommunu, hóast býráðið í fjørheyst samtykti, at NÚ skulu ferðafólkini gjalda
Tað verður framvegis ókeypis at koyra í býbussunum hjá ferðafólki.
 
27.03.2025 - 19:38

Ætlanin var at seta í verk eina gjaldsskipan fyri ferðafólk, soleiðis at útlendsk ferðafólk skulu gjalda fyri at koyra í bussi í Tórshavnar kommunu. 

Skipanin skuldi setast í verk fyrst í hesum árinum, men fyrisitingin hevur mælt til at endurskoða býráðssamtyktina frá 24. oktober í fjør.

Fíggjarnevndin hevur tikið undir við tilmælinum, og hevur beint málið í býráðið.

Elsa Berg vísir á, at millum annað er ivamál um samtyktin er í stríð við líkaregluna, sum sigur at borgarar skulu viðfarast eins.

Anfinn Brekkstein, býráðslimur í Tórshavnar Kommunu, undrast hví samtyktin enn ikki er sett í verk, og heldur ikki, at samtyktin er í stríð við líkaregluna:

Harumframt leggur Anfinn Brekkstein dent á, at hann heldur ikki at kommunuskattur eigur at fíggja ferðavinnuna.

 

Eisini hjá Strandferðsluni

Eisini hjá Strandferðsluni gongur striltið við at fáa fleiri inntøkur frá útlendsku ferðafólkunum. Sambært Niels Juel Arge, stjóra, arbeiðir Strandferðslan framvegis við einum uppskoti um broyttan prísbygnað á oyggjaleiðum.

Í ár eru beinleiðis útreiðslurnar av Oyggjaleiðum hjá Strandferðsluni 192 milliónir krónur, meðan inntøkurnar eru 49 milliónir. Munurin, 143 milliónir, verður goldin úr landskassanum. Tølini eru úr dagførdu fíggjarlógini fyri 2025.


 

1734550

 

Er kopiera
Nýggjastu sendingar í ÚV
Týsdag 22. apríl
Morgunlestur týsdagur 22. apríl 2025
190899
Mánadag 21. apríl
Guðstænasta í Havnar kirkju.
190898
Mánadag 21. apríl
Credo: "Bert ein dag..." 2:2
190874
Sunnudag 20. apríl
Bolero - 20. apríl 2025
190884
Nýggjastu sendingar í SV
Mánadag 21. apríl
Bátasmíð í Sandavági
190904
Mánadag 21. apríl
Guðstænasta úr Havnar kirkju
190896
Mánadag 21. apríl
Anna FD 564
190890
Mánadag 21. apríl
Andakt
190889
Sunnudag 20. apríl
Guðstænasta úr Glyvra kirkju
190878