- Tíðindi, mentan og ítróttur
Vunnu á Finnlandi í gjár - spæla aftur í dag
Vunnu á Finnlandi í gjár - spæla aftur í dag
Føroyska hondbóltslandsliðið við kvinnum vann tryggan sigur á Finnlandi í venjingardystinum í gjár. Londini spæla aftur seinnapartin
Mynd: HSF
05.04.2023 - 12:27
Seinnapartin í dag spælir føroyska kvinnulandsliðið í hondbólti seinna venjingardystin ímóti Finnlandi.
Dysturin byrjar klokkan 16:00.
Í gjár vunnu Føroyar tryggan 35-25 sigur í fyrra dystinum landanna millum. Liðini fylgdust fyrsta korterið, men føroyingarnir vunnu sær eina hálvleiksleiðslu upp á 16-12.
Eftir steðgin var ongin ivi, og Føroyar vunnu við 10 málum. Súna Krossteig Hansen, sum við átta málum gjørdist føroyskur toppskjútti, var eisini kosin dagsins spælari.
Allir 16 spælararnir í føroyska hópinum komu á vøllin.
Er kopiera
Nýggjastu sendingar í ÚV
Nýggjastu sendingar í SV
