Beinta og Bogi steðgað í fjórðingsfinalunum

Beinta Joensen og Bogi Isaksen stóðu seg best av føroysku luttakarunum í altjóða dartkappigini, Tórshavn Open, í gjár.

Tey bæði vóru steðgað í fjórðingsfinalunum. Beinta Joensen tapti greitt 4-0 ímóti Annu Forsmark úr Svøríki, sum var hægst styrkismett undan kappingini. 

Bogi Isaksen hevði góðan møguleika at spæla seg í hálvfinalurnar, men fekk ikki avgjørt, og tapti 4-3 ímóti dananum, Ivani Madsen. 

Mest varð væntað av Jan McIntosh og Una Árting undan kappingini, men teirra spæl í innleiðandi bólkinum var ikki sannførandi, og tí møttu teir sterkari mótstøðu tíðliga í kappingini. Jan Erik Fjallstein, Gunnar Mouritsen og Jóan Jakku Joensen spældu seg í áttandapartsfinalurnar.

Svøríki fór avstað við skreytinum

Bæði hjá kvinnum og monnum fóru spælarar úr Svøríki avstað við sigrinum. 

Eins og í fjør vann Maud Jansson kappingina hjá kvinnum, og hjá monnum vann Bjørn Lejon sína fyrstu altjóða kapping.

Í dag er Faroe Islands Darts Open á skránni. Tað er eins og kappingin í gjár einmansleikur.