Til Sveis við góðum treysti

Føroyingar taptu tepurt í báðum venjingardystunum ímóti Svøríki B, og tað vóru spælarar og venjarin ikki nøgd við.

Kortini var nógv gott at síggja bæði í Klaksvík fríggjakvøldið og á Skála leygardagin, og tað skal pakkast niður í EM-kuffertið, nú leiðin gongur til Basel í Sveis.

Nýggja 5-1 verjan stóð væl, og kontraspælið riggaði eisini í løtum. Hinvegin vóru avrikini heldur ójøvn, og løturnar, tá Føroyar ikki skoraðu, vórðu ov langar. 

Landsliðið ferðast til Sveis mikumorgunin, og fríggjadagin spæla tær sín fyrsta EM-dyst yvirhøvur, tá Sveis tekur ímóti í St. Jakobshalle.