Macron: Russland skal prógva, at landið vil hava frið

Macron: Russland skal prógva, at landið vil hava frið
Franski forsetin sigur, at nú eru nóg nógv fólk deyð í krígnum, og nóg nógvar oyðileggingar
Nýggi kanadiski forsætisráðharrin, Mark Carney, vitjan franska forsetan, Emmanuel Macron, í gjár.
Mynd: Reuters/Ritzau Scanpix  
 
18.03.2025 - 08:20

Russland skal nú prógva, at landið vil hava frið.

Tað sigur Emmanuel Macron, franski forsetin.

"Zelenskyj, forseti, hevði dirvi til at góðtaka amerikanska uppskotið um 30 daga vápnahvíld. Nú má Russland eisini prógva, at landið veruliga vil hava frið," skrivar Macron á X.

"Nú eru nóg nógv fólk deyð, nóg mikið av oyðiløgdum lívum, nóg nógvar oyðileggingar.

Kanónirnar skulu gevast at skjóta," skrivar Macron á X.

Macron skrivar eisini, at ukrainsk børn, ið eru flutt til onnur lond, skulu sameinast aftur við sínar familjur. Hesa treyt skal Russland góðtaka.

- Vit hava ongantíð verið nærri eini friðaravtalu, sigur Karoline Leavitt, talsfólk hjá Hvítu húsunum. Og forsetin ætlar avgjørt at fáa eina avtalu. 

Tað segði hon í sambandi við, at Donald Trump í dag eftir ætlan fer at tosa við Vladimir Putin um vápnahvíld millum Russland og Ukraina.

Er kopiera
Nýggjastu sendingar í ÚV
Týsdag 18. mars
Morgunlestur týsdagur 18.mars 202
189184
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226