Flensburg ov sterkt fyri IK Sävehof

Flensburg ov sterkt fyri IK Sävehof
Óli Mittún skeyt seks mál fyri Sävehof, men Flensburg var ov sterkt í fyrru fjórðingsfinaluni í Evropa League og vann 41-30 í Partille. Füchse Berlin spældi javnt ímóti Nantes
Óli Mittún hyggur at, meðan sterka strikan, Johannes Golla, roynir seg
Mynd: EHF  
 
24.04.2024 - 08:28

Óli Mittún skeyt seks mál fyri IK Sävehof, men týska stórfelagið, Flensburg-Handewitt, vísti sína styrki við 41-30 sigri í fyrru fjórðingsfinaluni í European League í Partille.

Stórur áhugi var fyri dystinum, og góðir 4000 áskoðarar sóu Sävehof fylgja við fyrstu løtuna. Kortini gjørdist skjótt greitt, at týskararnir vóru betra liðið, og teir fóru undan. Jóhan á Plógv Hansen sat á beinkinum allan dystin. Sambært portal.fo hevur vongurin ein lítlan skaða at dragast við.

Füchse Berlin bjargaði sær javnleikin í evstu løtu ímóti franska felagnum, Nantes. Hákun West av Teigum og teir vóru frammanfyri mestsum allan dystin - onkuntíð var munurin 5 mál - men síðstu minuttirnar fór Nantes framum. Kortini eydnaðist tað heimaliðnum at javna til 33-33 í síðsta álopinum. Føroyski landsliðsvongurin skeyt tvey mál upp á fýra royndir og spældi meginpartin av dystinum.

Returdystirnir í European League vera um eina viku.

Er kopiera
Nýggjastu sendingar í ÚV
Leygardag 19. apríl
Morgunlestur leygardagur 19.apríl 2025
190559
Fríggjadag 18. apríl
Guðstænasta í Kvívíkar kirkju
190857
Hósdag 17. apríl
Jesu líðingarsøga - Langi fríggjadagur
190849
Hósdag 17. apríl
Jesu líðingarsøga - Skírisdagur
190847
Nýggjastu sendingar í SV
Fríggjadag 18. apríl
Knútsfagnaður
190859
Fríggjadag 18. apríl
Eftir Vørðunum
190772
Fríggjadag 18. apríl
Guðstænasta úr Kvívíkar kirkju
190856
Hósdag 17. apríl
Útilív (5:6)
190791
Hósdag 17. apríl
Guðstænasta úr Miðvágs kirkju
190835