Fara teir ungu at basa eysturoyingum?

Í seinri hálvfinaluni í spurnarkappingini, "Tú manst vita frá mongum at siga", varpaðu Ung í dansi tey garvaðu dansifólkini í Leikum fagurt, á Sandi, úr kappingini. Og í fyrru hálvfinaluni vann liðið úr Eysturoyar dansifelag á Vága dansifelag.

Tí er lagt upp til eina sera spennandi finalu í sermerktu spurnarkappingini um føroyskan dans og føroyska kvæðamentan leygarkvøldið. 

Teir tríggir í Ungum í Dansi, Kristian Joensen, Dávid Nattestad og Brestir Bjarnastein Restorff, fingu fult stigatal í seinri hálvfinaluni. 

Í fyrru hálvfinaluni togaðu eysturoyingar seg upp ímóti fullum stigatali, og tí verður áhugavert at vita, hvat av liðunum megnar best at svara spurningunum. Katrina Hansen, Jóannes Djurhuus og Jón Rói Høgnesen umboða Eysturoyar Dansifelag.

Føroyskur dansur, tær kvøða

Send beinleiðis úr Reinsarínum

Finalan verður send beinleiðis í útvarpinum úr Reinsarínum í Havn leygarkvøldið eftir tíðindini klokkan 18.15. 

Dyrnar á Reinsarínum lata upp klokkan 17.30 og lata aftur klokkan 18.00. Sjálv kappingin byrjar klokkan 18.15.

Meðan liðini yrkja eitt ørindi, verður sungið. Tórður Mikkelsen skipar fyri. 

Tá formaðurin í Sláið ring, Gunnar Restorff, hevur hildið røðu, og vinningarnir eru handaðir, verða borðini ruddað til viks og tikið verður saman. 

Eftir at spurnarkappingina og tiltakið hjá Kringvarpi Føroya, verður almennur føroyskur dansur á Reinsarínum. Tøkum lætt skipar fyri. 

Tey kvøða, Føroyskur dansur, 16:9

Frítekst tagging: 

Tey kvøða

Føroyskur dansur

Bjarni Árting Rubeksen

BjarniR

Hvat: Finalan í "Tú manst vita frá mongum at siga"
Hvar: beinleiðis í útvarpinum,
Nær: Leygarkvøldið kl. 18.15

Rasmus Joensen, Jónleif Johannesen, Elin Maria Olsen og Jóhann Mortensen hava gjørt spurningarnar og leggja til rættis.
Høgni Fagraberg og Kári Annand Berg eru tøkningar.

---

Skrá:

17:30    Dyrnar lata upp
18:00    Dyrnar lata aftur
18.15    Tú manst vita frá mongum at siga.
Meðan luttakandi dansifeløgini yrkja, syngja vit felagssang.
19:45    Steypahandan
20:00    Føroyskur dansur – beinleiðis í útvarpinum. Vit kvøða: Harra Pætur og Elinborg
Tá Harra Pætur og Elinborg er kvøðið, fáa tey, ið hava bílagt mat, ein bita.
Tøkum lætt skipar fyri almennum dansi á Reinsarínum. Føroyski dansurin er ókeypis.
GG. Dyrnar eru læstar frá kl 18.00 til eftir steypahandanina