Donsku Specktors á G!

Tónleikastjórin á G!, Høgni Lisberg, hevur lovað, at ársins festivalur verður eina veitsla.

Í dag boðar G! í tíðindaskrivi frá, at donsku hipphoppararnir Specktors úr Dragør koma at spæla á G! í summar, sum verður hildin í døgunum 18 - 20. juli í Syðrugøtu. 

Unz Unz

Specktors bleiv stovnaður í 2008 av Sluzh, Jonas For Fa'en, Wanner og Anders “Drysset” Drøidal. 

Teir hava hittað stórt við sagnum sum "Lågsus", har teir fáa hjálp frá Medinu, "Hellerup Ansigt // Amar røv", "Gutterne" og ikki minst "Unz Unz". 

Spectors eru í dag ein duo, tí bæði Sluzh og Drøidal hava takka fyri seg í bólkinum, so tað eru Wanner og JonasForFanden, ið manna bólkin. 

Specktors hava kant, og ljóðið er frekt og modernað, skrivar G! í tíðindaskrivinum. 

Spennandi skrá

G! festivalurin hevur kunngjørt fleiri nøvn seinastu mánaðirnar. 

Íslendski Of Monsters And Men verður eitt av høvuðsnøvnunum á ársins G!, og tað verður føroyska Eivør eisini.

Knút Háberg Eysturstein og Einangran vera eisini á skránni, umframt at spennandi norska Ash Olsen eisini er kunngjørd. 

>>G! festivalurin hevur eisini at spælilista á Spotify við tónleiki, sum verður at hoyra á festivalinum í summar