Eingin lóg tryggjar næmingum góða inniluft

Lærarar hava eina lóg, sum sigur, at inniluftin hjá teimum skal vera góð, meðan teir eru í skúla.

Arbeiðs- og umhvørvislógin tryggjar lærarum góða inniluft á arbeiðsplássinum. 

Men eingin lóg tryggjar næmingum góða inniluft í skúlanum

Tað sigur formaðurin í Lærarafelagnum, Jacob Eli S. Olsen, í Skúlablaðnum.

Tað eiga vit at gera nakað við alt fyri eitt, sigur hann.

Koltvísúrni og fuktur

Formaðurin í Lærarafelagnum sigur, at markvirði er ikki sett fyri, hvussu nógv koltvísúrni ella fuktur kunnu vera í skúlahølunum. 

Og eingi krøv eru um ljóð- og ljósviðurskifti, ella minstamark fyri rúmmetur fyri hvønn næming ella tal á vesum. 

Veruleikin er, sigur Jacob Eli S. Olsen, at í nógvum skúlum eru viðurskiftini ikki í lagi, heldur ikki í nýggjum skúlabygningum. 

Sí greinina í Skúlablaðnum her.