Spennandi avbjóðing á Hálsi í kvøld

Føroyskur hondbóltur - ikki minst manshondbóltur - stendur í sínum fagrasta blóma.

Vit hava ongantíð havt so góðar spælarar og so gott landslið sum júst nú.

Tí er útselt til dystin í EM-undankappingini móti Rumenia í kvøld. 1.500 áskoðarar hava vissað sær atgongumerki til dystin, tó at hann eisini verður sendur beinleiðis í sjónvarpinum.

Fullmannaðir aftur

Elias á Skipagøtu er nú við aftur á føroyska landsliðnum. Hann mátti í fjør heyst undir skurð fyri ein skaða í knænum, men spældi nú um dagarnar ein branddyst í sínum fyrsta dysti í svenskum hondbólti, eftir at hann var farin á vøllin aftur at spæla.

Í kvøld fara vit á fyrsta sinni at síggja Elias og systkinabarnið Óla Mittún á vølli saman á føroyska A-landsliðnum.

Óli Mittún

Frítekst tagging: 

Óli Mittún

Caption: 

Óli Mittún í sínum fyrsta dysti hjá A-landsliðnum í oktober í 2022.

Sætti dysturin móti Rumenia

Dysturin hjá Føroyum móti Rumenia í EM-undankappingini í Havn í kvøld er tann sætti landanna millum í manshondbólti.

Vit hava lítið at reypa av um undanfarnu dystirnar. Allar hava vit tapt, og tað so ruddiliga eisini.

Úrslitini hava verið hesi:

Bolzano, Italia - HM-undankapping 2018 (12. januar):

Føroyar - Rumenia 20 - 28 (10-15)

Rumenia - EM-undankapping 2004 (18. januar);

Rumenia - Føroyar 43 - 17 (22-17)

Rumenia - EM-undankapping 2004 (16. januar):

Rumenia - Føroyar 41 - 19 (21-9)

Vestmanna - EM-undankapping 2001 (7. januar):

Føroyar - Rumenia 16 - 27 (8-15)

Tórshavn - EM-undankapping 2001 (5. januar):

Føroyar - Rumenia 23 - 36 (11-17)

Føroyar á aftasta plássi

Føroyar og Rumenia eru saman í bólki 4 í undankappingini til EM-endaspælið. Støðan í bólkinum eftir tvey leikumfør er henda:

Bólkur 4 (EM-undankappingin):

1. Eysturríki   4 stig

2. Rumenia   2 stig

3. Ukraina     2 stig

4. Føroyar     0 stig

Dystirnir higartil

12. oktober 2022:

Ukraina - Føroyar 29-25

13. oktober 2022:

Eysturríki - Rumenia 36-32

16. oktober 2022:

Føroyar - Eysturríki 28-30

Rumenia - Ukraina 34-26