Stóri framløgudagurin er í dag

Í dag er stóri framløgudagur í Løgtinginum.

Uppskot, sum skulu viðgerast í hesari tingsetuni, skulu í seinasta leggjast fram í dag.

Til ber tó at leggja fram uppskot seinni í tingsetuni, men tá krevst, at í minsta lagi 17 tingfólk skriva undir, at framløgan er í lagi.

Í morgin eru ófráboðaðir fyrispurningar á skránni, og hósdagin byrja fyrstu viðgerðirnar.

Í dag kemur árliga frágreiðingin um fiskivinnuna og um, hvussu sjófeingið verður fyrisitið.

Tað er landsstýrismaðurin í fiskivinnumálum, Dennis Holm, sum leggur frágreiðingina fram. 

Tingfundurin í dag byrjar kl. 13.