Bakkafrost 1,7 milliardir í avlopi í fjør

Bakkafrost seldi fyri sjey milliardir og 130 milliónir krónur í fjør.

Rakstrarúrslitið var ein milliard og 705 milliónir krónur. 

740 milliónir fóru í landskassan.

Men í fjórða ársfjórðingi var úrslitið 154 milliónir krónur í halli eftir skatt og virðisreguleringar.

Regin Jacobsen, Grønarók, el-rikni alibáturin, 16:9

Regin Jacobsen er stjóri í Bakkafrosti. (Mynd: Bjarni Árting Rubeksen)

600 mió. kr. í vinningsbýti

Høgir laksaprísir og góð lívfrøðilig gongd í alingini í Føroyum góvu Bakkafrosti eitt gott úrslit í 2022.

Á ársaðalfundinum, sum verður fríggjadagin 28. apríl, fer nevndin at skjóta upp, at 10 krónur verða latnar í vinningsbýti fyri hvørt partabrævið.

59 milliónir og 143.000 partabrøv eru, so vinningsbýtið er slakar 600 milliónir krónur.

Hoyr samrøðu, sum Finnur Koba gjørdi við Regin Jacobsen, stjóra í Bakkafrosti í útvarpstíðindunum. Hann var m.a. spurdur, um Bakkafrost ikki hevur ráð at lata meira í tøkugjaldi: